Pas protestave të shumta kundër saj, edhe deputetët e parlamentit kanë qenë në një mendje me qytetarët e Seulit në Korenë e Jugut. Ata kanë miratuar shkarkimin e presidentes, Park Geun-hye me 234 vota pro, ndërsa 59 të tjerë ishin kundër këtij vendimi.
Madje, mes deputetëve që miratuan këtë propozim ishin edhe ata që i përkisnin të njëjtës parti që drejtonte presidentja Park.
Gjykata Kushtetuese tani duhet të marrë vendim nëse do ta largojë përfundimisht Park nga detyra apo ta kthejë atë në atë pozitë, ndërsa vendimi pritet brenda 30 ditësh.
Në këto kushte, autoriteti i saj i kalon autmatikisht kryeministrit, Hwang Kyo-ahn. Park akuzohet për abuzim me pushtetin dhe ndihmën e dhënë një shoqeje të ngushtë për të zhvatur para nga kompanitë e Koresë së Jugut. Akuzat kanë nxitur protesta masive disa javë nëpër rrugët e Seulit dhe qytetet e tjera të këtij shteti, duke kërkuar largimin e saj nga posti i presidentes Park Geun-hye. /tesheshi.com/
