Këtë të hënë votohet për presidentin e ri në parlamentin hungarez. Aleanca qeverisëse ka paraqitur si kandidat të sajin presidentin aktual, Janos Ader, për një mandat tjetër pesëvjeçar, ndërsa opozita e majtë ka për kandidat Laszlo Majtenyi-n.
Presidenti zgjidhet me votim të fshehtë, e duhet të marrë dy të tretat e votave të parlamentarëve në raundin e parë. Nëse nuk ngjet kështu, ka një raund të dytë, ku presidenti zgjidhet me shumicë të thjeshtë.
Laszlo Majtenyi akuzohet nga partia qeverisëse Fidesz si një kandidat i George Soros-it në këto zgjedhje.
“Pas tij janë interesat dhe paratë e George Soros-it,” deklaroi një ditë më parë në një konferencë shtypi drejtori për komunikimet i Fidesz-it.
Majtenyi, në anën tjetër, i përcaktuar si një kandidat liberal, ka deklarur se zgjedhja e Donald Trump-it si president i SHBA-së dhe Brexit-i e kanë dobësuar shoqërinë civile dhe demokracinë në Hungari, duke i hapur rrugës rritjes së autoritarizmit. /tesheshi.com/
