Njerëzit janë paralajmëruar të mos bëjnë më fotografi dhe selfie në shinat e trenit, pasi ÇTV ka arritur të pasqyrojë tetë incidente të rrezikshme gjatë një dite, vetëm në një vendkalim.
Një grup njerëzish kanë shpenzuar më shumë se 8 minuta në një kalim hekurudhor duke shkrepur fotografi dhe duke shkëmbyer mesazhe. Dy fëmijë të ulur në hekurudhë kanë pozuar për shkrepjen e disa fotografive.
Të gjitha incidentet kanë ndodhur në të njëjtën pikë të kalimit të rrugës në Matlock Bath në Derbyshire më 30 gusht. Kjo nuk është hera e parë që ndodhin incidente të rrezikshme në kalime hekurudhore, por Network Rail ka lëshuar një deklaratë për ÇTV, ku shpjegon se çfarë dhe pse nuk duhet të bëjnë njerëzit në përditshmërinë e tyre, në lidhje me stacionet apo kalimet hekurudhore.
Martin Brown thotë: “Trenat vijnë nga drejtime të ndryshme dhe në çdo moment kur njerëzit nuk e kanë mendjen, pasi janë duke shkëmbyer mesazhe apo duke shkrepur fotografi ndërsa kalojnë në këto pika hekurudhore, janë të rrezikuar të përplasen apo të pësojnë aksident”.
Ky stacion që shikoni edhe në foto ndodhet në një vendndodhje piktoreske dhe është ndërtuar në stilin e një shapete zvicerane, çka shpjegon se njerëzit janë shumë të prirur për të bërë fotografi në këtë vend.
“Një natyrë piktoreske pas, një shinë treni dhe gjithçka tjetër që ndodhet në këtë vend rural mund të duken si mundësi shumë e mirë për të kapur nj fotografi, por kjo mund të rezultojë fatale për jetën e tyre”,- shton Brown./tesheshi.com/
