CEO i JPMorgan Chase, Jamie Dimon, parashikon një “uragan” ekonomik të shkaktuar nga lufta në Ukrainë, rritje të presioneve inflacioniste dhe rritje të normave të interesit të Rezervës Federale të SHBA, raporton CNN.
Ai përdori fjalorin meteorologjik në fjalimin e tij në konferencën e Bernstein.
“Për momentin është me diell, gjërat po duken mirë. Të gjithë mendojnë se Rezerva Federale mund ta përballojë atë. Megjithatë, një uragan është në horizont dhe po vjen drejt nesh. Nuk e dimë nëse është një stuhi e vogël apo një superstuhi. Më mirë përgatituni”, tha Dimon.
Gjithsesi, ai pretendon se sistemi bankar mund të përballojë sfidat.
Ai shtoi se JPMorgan Chase po përgatitet për rezultate të këqija. Dimon tha se banka qendrore duhet të rrisë normat për shkak të rritjes së çmimeve të banesave dhe presioneve të tjera inflacioniste.
Ai theksoi se ende mendon se sistemi bankar amerikan është në “gjendje të shkëlqyer” dhe se mund t’u rezistojë atyre sfidave.
Dimon tha gjithashtu se JPMorgan Chase do të bëjë çmos për të tërhequr talentet për të qëndruar në krye të botës financiare.
Drejtori ekzekutiv tha se do t’i përkushtohej “fetarisht” pagave të mira për të mbajtur nëpunësit e tij më të mirë. /tesheshi.com/
