Me kapele e jo veshje zyrtare, ministri i ri i Rendit, Taulant Balla, pa nga afër situatën e një zjarri në kodrën me pisha të Peshtanit në Fier, duke përcjell një paralajmërim për çdo zjarrvënës të çdo arsyeje.
“Po ndjekim situatën e vatrave të zjarrit në disa qarqe të Shqipërisë. Aktualisht përveç Fierit ku jam aktualisht, kemi një situatë të vështirë edhe në Vlorë. Në Fier kemi ndërhyrë gjatë ditës edhe nga ajri përmes helikopterit. Kemi ndaluar personin që dyshohet se ka shkaktuar zjarrin. Zjarrëvënia është vepër penale dhe do të kërkojmë ndëshkim ekzemplar për këdo”, tha Balla.
Për momentin, Shqipëria nuk ka situata alarmante zjarresh, të paktën krahasuar me Greqinë fqinje, e cila si çdo stinë vere, shkrumbuhet në disa pjesë të saj.
Së fundi, flakët kanë përfshirë dhe Korfuzin përballë Sarandës, me zjarret flakëruese që dallohen nga Shqipëria. /tesheshi.com/
