Asnjë incident nuk është shënuar deri më tani që nga nisja e procesit të votimit në të gjithë Shqipërinë. Qendrat janë hapur në orën e caktuar, në atë që konsiderohej si një ditë plot tension, por pa u cenuar nga asnjë lloj militantizimi opozitar, siç ekziston frika se mund të ndodhë. Së paku deri më tani.
Këto janë zgjedhjet më unike qyshse Shqipëria hyri në demokracinë pluraliste, pas PD, e para parti opozitare pas rënies së komunizmit, kavendosur t’i bojkotojë ato.
Duke gjykuar se kështu po cenohet loja demokratike, faktori ndërkombëtar e sidomos Uashingtoni, vendosi ta mbështesë procesin, njëherësh duke apeluar, apo deri dhe kërcënuar dyshen PD-LSI, që të frenohet nga aktet e dhunës, pasi do përfshihen në “black list”-ën amerikane. /tesheshi.com/
