Një ndër zërat më kritikë ndër vite, si dhe vitet e fundit po ashtu, ndaj liderit demokrat Basha, Frrok Çupi, pretendoi se këto ditë mund të trokasë arrestimi i Berishës nga SPAK, pikërisht para Kuvendit të thirrur prej tij, atij të 11 dhjetorit.
“Mendoj se nga data 8 dhjetor Sali Berisha do të jetë në burg, i arrestuar nga SPAK. Do të ndodhë sigurisht Kuvendi i 11 dhjetorit nëse Berisha nuk është i fituar në SPAK.
Unë flas jo pa informacion.
Nëse do të ndodhë që Berisha do të mbledhë ata njerëzit, sigurisht ai do t’i mbajë në këmbë, do t’u thojë se ‘shiko, se ne fituam, por nuk na e pranuan’.
Kështu e ka shtyrë gjithë jetën. Shihni ligjin e pronave, shihni të ish-të përndjekurit”, tha Çupi.
Ky i fundit, ish-kryeredaktor i parë i RD-së, u hoq nga Berisha që pas numrave të parë të gazetës së sapothemeluar të PD-së, kjo në vitin 91, e që atëherë, me përjashtim të një periudhe të shkurtër pajtimi, kur Berisha qe në pushtet së fundi, ka qenë ndër zërat më të ashpër ndaj njeriut që vijon të jetë aktiv në politikë dhe në jetën opozitare. /tesheshi.com/
