Një oficer policie nga qyteti amerikan i Tucson në Arizona ekzekutoi një burrë në një karrige me rrota duke gjuajtur nëntë të shtëna në drejtim të tij. Pwr pasojw, Departamenti i Policisë përgatiti shkarkimin e tij.
Të hënën mbrëma, Richard Lee Richards, 61 vjecc, ishte në karrocën e tij me rrota të motorizuar dhe po ecte drejt hyrjes së supermarketit Lowe’s në Tucson, kur pas tij u shfaq një oficer policie me armë.
Ishte një punonjës i Walmart, i cili ndan hapësirën me Lowe’s, qw paralajmëroi një oficer policie se ai pa Richards të largohej me një kuti veglash, por nuk pagoi për të, tha policia, sipas Washington Post.
Punonjësi dhe oficeri Ryan Remington shoqëruan Richards përmes parkingut drejt Lowe’s.
“Mos hyni në dyqan, zotëri,” bërtiti Remington ndërsa Richards lëvizte drejt hyrjes së Lows, në atë moment edhe oficerja Stephanie Taylor mbërriti në vendngjarje.
Remington iu afrua Richards nga pas dhe qëlloi nëntë të shtëna drejt tij nga një distancë e shkurtër.
Richards u qëllua në krah dhe në shpinë dhe u shpall i vdekur në vend, shtoi policia.
Të martën, shefi i policisë në Tucson, Chris Magnus u tha gazetarëve se departamenti i policisë kishte nisur procedurat për shkarkimin e Remington, duke shtuar se prokuroria po hetonte incidentin.
“Për të qenë i qartë, jam thellësisht i shqetësuar për veprimet e oficerit Remington. Përdorimi i tij i forcës vdekjeprurëse në këtë rast është një shkelje e dukshme e ligjit dhe kundërshton drejtpërdrejt disa aspekte të trajnimit tonë për përdorimin e armëve,” tha Magnus. /tesheshi.com/
