Nga Blendi Gashi
Deputetët e legjislaturës së kaluar të cilët nuk janë pjesë e legjislaturës së re, qoftë ata që nuk kanë rifituar mandate apo kanë mbetur jashtë liste nga partia, nuk kanë pse të mërziten aq fort sepse do të vazhdojnë të marrin pagën e plotë prej deputeti edhe për 12 muaj të tjerë, dhe atë duke ndenjur në shtëpi.
Kjo njihet si pagë kalimtare. e të cilën do të vazhdojnë të marrin edhe ministrat e kabinetit qeveritar, dhe zv.ministrat për gjashtë muaj, kurse kryekuvendari do marrë gjatë tërë jetës së tij 70 për qind të pages nëse nuk rizgjedhet sërish, pra këtë rast Kadri Veseli.
E gjithë kjo çuditërisht bëhet më qëllim të transferimit sa më të lehtë nga jeta politike në jetën private.
Duke parë rezultatet preleminare të zgjedhjeve të 11 qershorit, del se janë diku afër 40 deputetë nga të gjitha partitë por edhe të pavarurit, që brenda një viti të plotë pa derdhur asnjë pikë djersë do ta rrjepin jo pak buxhetin e shtetit.
Nëse llogaritet paga bazë e një deputeti që është mbi 1,400 euro, atëherë matematika tegon se një ish-deputet buxhetit të varfër të shtetit i kushton afër 17 mijë euro, kurse nëse llogariten numri prej 37 ish deputetëve, del se për një vit saktësisht rrjepin buxhetin për 621.600 euro apo thënë ndryshe më tepër se gjysmë milioni euro.
Sigurisht ky dëmtim i buxhetit është pa llogaritur fare marrjen eventuale të 70 për qind të pages nga ish-kryekuvendari dhe përfitimit për 6 muaj të pagës nga zv.minsitrat e dihet se janë diku 50 apo më shumë të tillë.
PDK e LDK më së shumti do e varfërojnë buxhetin
Më së shumti, buxhetin do ta varfëron PDK-ja, pasi rezultatet preleminare tregojnë se afër njëzet ish-deputet të saj më nuk do jenë pjesë e Kuvendit.
Pa punuar fare dhe duke ndenjur në shtëpi, për një vit pagën e plotë do e marrin ish-deputetët: Selvije Halimi, Luljeta Veselaj-Gutaj, Abdyl Imeri, Bislim Zogaj, Nait Hasani, Rafet Rama, Shaip Muja e Hajdar Beqa të cilët edhe pse ishin në garë nuk arritën të fitojnë besimin e qytetarëve, si dhe Nuredin Lushtaku, Naim Fetahu, Fadil Beka, Besim Beqaj, Adem Grabovci, Nehat Baftiu, Agim Çeku, Shukri Buja, Fatmir Shurdhaj e Salihe Mustafa që nuk ishin pjesë e garës për deputet.
Pastaj janë mbi dhjetë ish-deputet të LDK-së që për një vit të vit të plotë nuk kanë arsye të brengosën për anën financiare.
Sabri Hamiti, Ali Sadriu, Sali Morina, Doruntina Maloku, Muhamet Mustafa, Nuredin Ibishi, Njomza Emini dhe Melihate Tërmkolli, sipas rezultateve jozyrtare nuk kanë siguruar sërish pozitën e deputetit, por Kuvendi do vazhdoj për 12 muaj ta mbush konton e tyre, poashtu edhe Adem Salihaj, Shpejtim Bulliqi, Fatmir Rexhepi e Hatim Baxhaku që u lanë jashtë liste do marrin pagën prej 1400 euro për një vit të plotë.
Kurse tre partitë e tjera më pak do i kushtojnë buxhetit të shtetit, pasi bashkarisht do kenë afër pesë ish-deputetë që do paguhen pa punuar fare.
Nga AAK janë ish-deputetët Ali Berisha e Lahi Brahimaj, që nuk siguruan ulëse në Kuvend por që do marrin rrogën për një vit, ashtu edhe si Puhie Demaku e Vetëvendosjes që është largua nga politika dhe Shukrije Bytyqi e NISMA-s që nuk u fut fare në listë për një mandate tjetër nga partia e saj. /tesheshi.com/
