Mbrojtja Civile Siriane, e njohur si Helmetat e Bardha, e cila po udhëheq operacionet e shpëtimit në zonat e kontrolluara nga rebelët në Siri, thotë se deri më tani nuk ka marrë asnjë ndihmë.
“Asnjë ndihmë nuk ka ardhur në veri të Sirisë përmes asnjë korridori,” tha për Al Jazeera-N Abdul Rezzak Kentar, menaxher programi i Mbrojtjes Civile Siriane.
“Përtej pikës kufitare Bab al-Hawa, mbërriti vetëm një ekip egjiptian prej 20 personash, përfshirë mjekë, pa pajisje”, shtoi ai.
“Të gjitha vendkalimet janë të hapura, por nuk kemi marrë asistencë ndërkombëtare apo ndihmë tjetër”.
Aktivistët sirianë në vendkalimin Bab al-Hawa thonë se vetëm “trupat e vdekur” kalojnë kufirin me Turqinë.
“Kolonat kalojnë kufirin turko-sirian në katër vende, por ato përmbajnë vetëm trupat e sirianëve që kanë vdekur në Turqi dhe janë transferuar në Siri,” tha aktivisti i pavarur sirian Abdulkafi Alhamdo. /tesheshi.com/
