Sot në takimin e pestë të dialogut për Marrëveshjen e Stabilizim Asociimit, Drejtori për Ballkanin Perëndimor i KE-së, Jean Eric Paquet tha se dështimi i Kuvendit për themelimin e Speciales është shqetësues për të gjitha vendet e BE-së.
Ai pret që kjo të rishikohet edhe një herë derisa ka çmuar Qeverinë për angazhimin e saj.
Paquet po ashtu foli edhe për sundimin e ligjit, zhvillimin ekonomik dhe reformën në administratë.
Ndërkaq Kryeministri Isa Mustafa tha se MSA-ja është themel i rrugës së Kosovës drejt integrimit në BE, zhvillimit ekonomik, sundimit të ligjit dhe zbutjes së papunësisë.
Ai theksoi se reforma në administratën publike është një nga prioritetet kryesore të Qeverisë dhe janë duke e përgatitur strategjinë kombëtare për zhvillim që synon adresimin e zhvillimit ekonomik.
Mustafa foli edhe për liberalizimin e vizave për të cilin tha se të gjitha institucionet janë të përkushtuara për këtë proces dhe presin të marrin rekomandime pozitivë për liberalizim. /tesheshi.com/
