Papa Francesku iu është drejtuar të rinjve përmes një postimi në Twitter ku shkruan se ata nuk duhet të kenë frikë të martohen. Fjalët e Papës vijnë pas raportimeve më të fundit për uljen e numrit të martesave mes të rinjve të cilët zgjedhin forma të tjera bashkëjetese për shkak se kanë “frikë” nga zgjedhjet përfundimtare.
“Të dashur të rinj, mos kini frikë nga martesa. Zoti shoqëron me mirësinë e tij të martuarit që mbeten të bashkuar me të”, thuhet në mesazhin e Papës.
Mesazhin e shpjegon edhe monsinjor Vincenzo Paglia, sipas të cilit Papa godet në shenjë, pasi ekziston një kulturë që i shtyn të rinjtë të kenë frikë, që provokon pasiguri të atillë për zgjedhjet përfundimtare saqë është e lehtë të tërhiqesh prej tyre”.
Papa nga Argjentina njihet për lidhjet e tij me të rinjtë e nuk ka pasur druajtje të ndjekë edhe metodat e reja të komunikimit të tyre, si rrjetet sociale apo Ipad-in. /tesheshi/
