Në mot me erë dhe me shi, Papa Françesku zbarkoi në Tokio të shtunën, duke bërë thirrje për ndaljen e armëve bërthamore në të vetmin vend në botë që e ka pësuar nga një sulm bërthamor.
Kreu i Kishës Katolike Romake duhet të vizitojë Hiroshiman dhe Nagasakin, qytete ku Shtetet e Bashkuara hodhën bomba bërthamore në fund të Luftës së Dytë Botërore.
Atje, ai do të takojë njerëz “të cilët ende kanë plagë të patrajtuara për shkak të kësaj ngjarjeje tragjike në historinë njerëzore”, tha Papa pas mbërritjes në kryeqytetin japonez.
Në vitin 1981, Gjon Pali II vizitoi Japoninë, i cili asokohe dënoi përdorimin e armëve bërthamore në Hiroshima dhe Nagasaki.
Papa Françesku, në një moshë të re, dëshironte të ishte një misionar në Japoni, një vend ku më pak se 0.5 përqind e popullsisë e deklaruan veten katolik.
Gjatë fluturimit të tij nga Bangkok, ku ai kaloi disa ditë si pjesë e fazës së parë të turneut në Lindjen e Largët, Papa dërgoi dy telegrame identike, në të cilat përshëndeti Presidentin Kinez Xi Jinping dhe Presidentin e Tajvanit Tsai Ing-wen.
Ai dërgoi dhe një telegram me përmbajtje të ngjashme për guvernatorin e Hong Kong-ut, Carrie Lam, aty ku prej javësh kanë shpërthyer protesta edhe të dhunshme anti-Pekin. /tesheshi.com/
