Papa Françesku është kreu i parë i Kishës Katolike që do të vizitojë Bahreinin, me një udhëtim që ai shpreson të forcojë lidhjet me Islamin në vendin e Gjirit.
Vizita nga e enjtja deri të dielën, udhëtimi i 39-të ndërkombëtar i pontifikatit të Françeskut, vjen tre vjet pas udhëtimit të tij historik në Emiratet e Bashkuara Arabe në vitin 2019, ku ai nënshkroi një manifest muslimano-kristian për paqen.
Gjatë pontifikatës së tij, Papa 85-vjeçari i bëri kontaktet me muslimanët një prioritet.
Ai vizitoi Egjiptin në 2017 dhe Irakun vitin e kaluar, duke premtuar dialog ndërfetar me klerikët kryesorë muslimanë.
Të premten, Françesku planifikon të takohet në Bahrein me autoritetin e lartë të Islamit sunit, Sheikh Ahmed al-Tayeb, imamin e madh të xhamisë prestigjioze Al-Azhar të Kajros, e cila është një nga qendrat më të rëndësishme për studimin e Islamit.
Ata nënshkruan një dokument të përbashkët në Abu Dhabi në shkurt 2019, duke u angazhuar për bashkëjetesën ndërfetare mes të krishterëve dhe muslimanëve. Kjo vizitë ishte vizita e parë e një pape në një vend të Gjirit Persik.
Françesku do të takohet gjithashtu me Këshillin e të Urtëve Muslimanë me qendër në Abu Dhabi. Në agjendë do të jenë komunitetet myslimane në Perëndim, krizat humanitare, çështjet klimatike dhe marrëdhëniet mes muslimanëve dhe të krishterëve.
Papa do të udhëheqë një meshë në qytetin e dytë më të madh të Bahreinit, Riffa, të shtunën përpara 28,000 adhuruesve të pritur, sipas priftit Charbel Fayad.
“Ne jemi të lumtur që shohim shumë të krishterë nga rajoni,” tha ai për AFP, duke shtuar se ai priste besimtarë nga vendet e tjera të Gjirit.
Papa, i cili përfundon udhëtimin e tij të dielën në Manama për t’u lutur me klerin katolik, ka vizituar një sërë vendesh me shumicë myslimane gjatë papatit të tij, duke përfshirë Jordaninë, Turqinë, Bangladeshin, Marokun, Irakun, Bosnjën dhe, së fundmi, Kazakistanin nw shtator. /tesheshi.com/
