“Shekullin e kaluar, e gjithë bota u skandalizua nga ato që bënin nazistët për të garantuar pastërtinë e racës. Sot bëjmë të njëjtën gjë dhe ne, por me doreza të bardha”. Kështu u shpreh kreu i botë katolike në një audiencë me Forumin Familjar, duke folur për abortin e fëmijëve të sëmurë.
“Kjo është bërë e modës sot, një zakon që në muajt e parë të shtatzënisë. Bëhet një kërkim për të parë nëse fëmija mund të jetë i sëmurë apo i lindur me një mangësi dhe zgjedhja e pare është heqja e tij”, tha Papa.
Ai tha se kjo është një vrasje e fëmijës, marrja e një jetë, që paradoksalisht bëhet në emër të të jetuarit e (i) qetë.
“Pse nuk e shohim sot shumë njerëz me shtat xhuxhi? Sepse mjeku ka informuar mbi një anomali dhe më pas ka ardhur zgjidhja duke e hequr atë”, tha Papa Françesku.
Më tej, kreu i Vatikanit tha se sido që të jetë fati, familja është një aventurë e bukur dhe se vrasja e një jetë të pafajshme e vret dhe atë. tesheshi.com/
