Trajneri i kombëtares shqiptare, italiani Cristian Panuçi, as që e ka çuar në mend dorëheqjen, ndonëse ka pranuar gabimet në drejtimin e skuadrës.
Pas humbjes katastrofike me Skocinë, një rezultat vijim i shumë të tillave negative në drejtimin e tij, Panuçi “ia la topin” Dukës.
“Duhet të pyesni Dukën për të ardhmen time. Jam përgjegjësi kryesor për situatën. Shkarkimin tim e ka në dorë Duka, unë do respektoj kontratën deri në 2019, nëse nuk shkojmë në Europian shkoj në shtëpi”, tha Panuçi, duke shtuar: “Kam gabuar me filozofinë, do të ndryshojmë rrugën, të shpresojmë të jetë e duhura”.
Të martën, kuqezinjtë kanë një tjetër provë, së bashku me Panuçin sigurisht, përballjen me Uellsin në një miqësore. /tesheshi.com/
