Një video e publikuar nga Radio Evropa e Lirë tregon një ambulancë duke kaluar nëpër qytetin bjellorus Gomel, i cili kufizohet me Ukrainën.
Videoja është e fillimit të muajit mars dhe sipas Daily Mail, punonjësit e një spitali aty pranë pohojnë se deri më 13 të këtij muaji, më shumë se 2500 trupa ishin kthyer në Rusi.
Stafi mjekësor bjellorus në Gomel thotë se morgjet e tyre janë plot.
Rreth 200 kilometra larg, por sërish në një zonë afër kufirit me Ukrainën, një banor i Mazirit pohon: “Pasagjerët në stacionin e trenit u tronditën nga numri i trupave të ngarkuar në tren. Pasi njerëzit filluan xhirimet, ushtria i kapi dhe urdhëroi t’i heqin…”
Daily Mail citon edhe një deklaratë të një mjeku nga spitali i Mazirit, i cili ka thënë se nuk kanë mjaftueshëm kirurgë, por ka konfirmuar edhe atë që ka thënë qytetari: “Më parë trupat janë transportuar me autoambulanca dhe janë ngarkuar në trenat rusë. Ai dhe e postoi në rrjetet sociale kur trupat filluan të ngarkoheshin gjatë natës për të mos tërhequr vëmendjen”.
https://twitter.com/i/status/1504842816572252163
Më 1 mars, spitali Gomel filloi heqjen e pacientëve për shkak të numrit të madh të ushtarëve rusë të plagosur që duhej të trajtoheshin.
“Ka kaq shumë rusë të plagosur atje, është e tmerrshme. Ata janë tmerrësisht të shpërfytyruar. Është e vështirë të dëgjosh ankimet e tyre që bëjnë jehonë në të gjithë spitalin,” tha një pacient i dalë prej aty.
Gomel kufizohet me Rusinë në lindje dhe Ukrainën në jug. Është qyteti më i madh bjellorus pas Minskut dhe qendra kryesore tregtare.
Ukrainasit pretendojnë se kanë vrarë mbi 14 mijë ushtarë rusë, ndërsa rusët nuk e komentojnë këtë. Rreth dy javë më parë, agjencitë ruse publikuan një deklaratë të autoriteteve ruse se 500 ushtarë rusë ishin vrarë. /tesheshi.com/
