Një sensacion ka shkaktuar videoja e publikuar nga Pravda ruse e një incidenti të ndodhur në fund të nëntorit në një mal kur një grup skiatorësh po ecnin buzë një maje.
Siç shihet edhe në video, njëri prej skiatorëve teksa ishte në buzë është “zhdukur” kur bora mbi të cilën po shkelte është shembur pasi është shkaktuar një ortek.
Skiatorët e tjerë, njëri prej të cilëve po regjistron incidentin që mendohet se ka ndodhur në Rusinë jugore, reaguan kur panë shokun e tyre të zhdukej, por askush nuk iu afrua skajit të majës nga frika e një orteku tjetër.
Gjëja më mbresëlënëse, megjithatë, është se sipas Pravda-s, skiatori i “zhdukur” në dëborë arriti – e panjohur si – të mbijetonte. /tesheshi.com/
