Disa pamje të fundit me dron nga fronti i luftës në Ukrainë tregojnë momentin kur një parashutist ukrainas del nga ferrat për të shkatërruar një tank rus që kalonte atypari, duke e goditur me një raketë antitank të drejtuar vetëm disa metra larg.
Mjeti i blinduar, një nga tanket kryesore luftarake moderne T-80 të Rusisë, po lëvizte përgjatë një rruge dheu në një zonë të pyllëzuar, kur drejt tij u lëshua predha.
Automjeti fillimisht vazhdoi të rrotullohej ngadalë përpara, por disa çaste më vonë shpërtheu, sipas Daily Mail.
Videoja u publikua nga Brigada e 95-të Sulmuese Ajrore e Forcave Ukrainase, së bashku me një deklaratë ku thuhej: “Një luftëtar i Batalionit të Parë Sulmues Ajror të Brigadës së 95-të Sulmues Ajror shkatërroi një tank armik në distancë të afërt. Ushtarët e Forcave të Armatosura çdo ditë rrezikojnë jetën, tregojnë guxim e heroizëm dhe hap pas hapi çlirojnë tokën tonë nga pushtuesit rusë. Lavdi Ukrainës! Lavdi forcave të goditjes ajrore! Së bashku në fitore”. /tesheshi.com/
