Me qindra policë, tanke dhe helikopterë janë shoqëruar të arrestuarit e grupit të Kumanovës nga burgjet për në gjykatë. Para disa minutave ka filluar gjykimi i 29 të akuzuarve për “terrorizëm” dhe pjesëmarrje në 28 orë luftë në Lagjen e Trimave në Kumanovë.
Ashtu siç kishin informuar nga gjykata në këtë seancë gjyqësore do të ftohen të gjithë të akuzuarit për të dhënë dëshminë e tyre se pse kanë qenë të pranishëm në Lagjen e Trimave në Kumanovë.
Nga ana tjetër, avokatët mbrojtës të akuzuarve kanë parashtruar ankesa duke konsideruar se aktakuza ndaj tyre është e pabazë.
Procesi gjyqësor ndaj grupit kosovarë ka të bëj me përleshjen që pati me policinë maqedonase me 9 maj të vitit 2015-të.
Bilanci i këtij incidenti ishte 8 policë të vrarë dhe 10 kosovarë që humbën jetën nga grupi i armatosur. Më shumë se gjashtë muaj, 29 personat të cilët iu dorëzuan policisë dhe qëndrojnë në paraburgim, sot për herë të parë dalim në gjykatë për të dëshmuar rastin. /tesheshi.com/
