Në nisje të seancës së sotme parlamentare, kreu i grupit parlamentar të PD-së, Edi Paloka foli për heqjen e mandatit të deputetit Koço Kokëdhima. Sipas Palokës, Rama e dinte se Kokëdhima kishte shkelur ligjin, por gjithësesi vendosi të pengojë drejtësinë duke bërë presione ndaj Gjykatës Kushtetuese dhe duke zgjatur zbardhjen e vendimit, duke dashur të pengonte largimin e tij nga Parlamenti.
Paloka deklaroi se Ilir Beqajt ju hoq mandati se kishte shkelur Kushtetutën dhe më pas Rama e riktheu nga i dënuar nga Gjykata Kushtetuese, në ministër, ndërsa tha se është kthyer në lubinë e kësaj qeverie, se është mësuar të grabisë fondet publike.
“E njëjta gjë po përgatitet për Koçon, po përgatitet ta sjellin ministër Turizmi. Po përgatiten ta sjellin ministër Turizmi sepse duhet të vjedhin prapë”, deklaroi Paloka.
Ai kërkoi që në vazhdën e ndryshimeve kushtetuese deputetët socialistë ti bashkohen atyre të PD dhe ta votojnë amendamentin për “dekusarizimin”. /tesheshi.com/
