Ministria e Jashtme Palestineze tha se Izraeli po përdor Holokaustin për të mbuluar krimet e tij kundër popullit palestinez dhe okupimin e territoreve arabe.
Ajo u ka bërë thirrje pjesëmarrësve në Forumin e Pestë të Holokaustit, i cili po mbahet në Jeruzalem, që të jenë vigjilentë për “kontekstet politike që Izraeli po përpiqet të përdorë me këtë rast”.
“Kryeministri izraelit Benjamin Netanyahu dhe udhëheqësit e okupimit, përdorin një forum për të mbuluar fytyrën e vërtetë të Izraelit, duke pushtuar territorin e një vendi tjetër, duke u vendosur atje dhe duke kryer krimet më të rënda kundër popullit palestinez, të cilat kanë arritur nivelin e krimeve të luftës dhe krimeve kundër njerëzimit”, thuhet në deklaratë.
Ministria palestineze shton se bashkësia ndërkombëtare “duhet t’i kushtojë vëmendje të mirë vuajtjeve të popullit palestinez, i cili është nën okupim”.
E megjithatë, Ministria palestineze dënoi përsëri Holokaustin., siç kabërë gjithnjë. /tesheshi. com/
