Sipas një studimi të paraqitur në takimin vjetor të shoqërisë për luftën kundër obezitetit, të apasionuarit pas pastave në Shtetet e Bashkuara janë shumë më të shëndetshëm në krahasim me ata që nuk i hanë ato.
Të dhënat janë mbledhur në mes të viteve 2001 dhe 2012, dhe studiuesit kanë gjetur se të dhënët pas tyre marrin më pak yndyrna të ngopura dhe sheqer të rafinuar, si dhe më shumë vitamina esenciale dhe minerale.
“Pasta mund të jetë një bazë e shkëlqyeshme për të ushqyerit e mirë”, thotë Diane Welland, dietologe.
Ai shton se kjo analizë nënvizon rëndësinë e drithërave, të cilat janë pjesë përbërëse e një diete të shëndetshme.
Edhe pse ky është një lajm i mirë për të apasionuarit pas pastave, është e rëndësishme të theksohet se studimi është kryer nga shoqata “National Pasta Association”, e cila ka për qëllim që të tregojë përfitimet shëndetësore të këtyre ushqimeve.
Megjithatë, kjo nuk është hera e parë që pasta të lidhet me një jetë të shëndetshme. Në korrik të vitit të kaluar, një studim ka treguar se njerëzit që hanë makarona kanë një indeks të ulët të masës së trupit dhe bel më të ngushtë në krahasim me ata që nuk hanë. /tesheshi.com/
