Ka patur efekt të menjëhershëm një avokati e fortë e Ramës për Haradinajn në parlament, duke e potencuar politikanin kosovar si nje hero të gjallë lufte, paçka fërkimeve me njëri-tjetrin.
Haradinaj e ka pranuar sërish si vëlla të parin e qeverisjes shqiptare, ditë pas atij fjalimi në parlament ku Rama ngriti në qiell ish-kryeministrin dhe kreun e AAK-së, ndaj të cilit ngriti një padi për shpifje pak vite më parë, për ta tërhequr më pas.
Kryeministri Edi Rama ka zhvilluar një takim me Ramush Haradinajn. Ish-kryeministri i Kosovës njoftoi përmes një postimi në Facebook se gjatë takimit me Ramën ka diskutuar për zhvillimet që po kalojnë Shqipëria dhe Kosova.
“Sot në Tiranë, një takim vëllazëror me Kryeministrin e Shqipërisë, Edi Rama. Diskutuam për zhvillimet që po kalon Kosova, Shqipëria dhe rajoni dhe për proceset që na presin, veçanërisht për sfidat e Kosovës në çështjet që kanë të bëjnë me dialogun, sigurinë dhe perspektivën e integrimeve euro-atlantike.
I kërkova kryeministrit shqiptar që në të gjitha nivelet e bisedave me faktorin ndërkombëtar e kombëtar të ndihmojë në tejkalimin e sfidave që i ka Kosova dhe të përshpejtojë integrimin e saj.
E falënderova përzemërsisht për kujdesin e tij dhe të Shqipërisë në këtë periudhë jo të lehtë që po kalon Kosova”, shkruan Haradinaj në rrjetet sociale. /tesheshi.com/
