Bashkimi Evropian ka aprovuar eksportimin e pajisjeve mbrojtëse mjekësore në Ballkanin Perëndimor pa autorizimin paraprak të Shteteve Anëtare.
Vendimi u botua të premten në Gazetën Zyrtare të BE-së dhe do të zbatohet nga 26 prilli.
Brukseli pranoi apelin e Forumit të Dhomës së Tregtisë të Ballkanit Perëndimor, nga një letër e Presidentit të Dhomës së Tregtisë Serbe, Mark Chadez, dërguar në 23 mars Presidentes së Komisionit Evropian Ursula von der Layen dhe Komisionerëve Evropianë për Tregti dhe Zgjerim, Phil Hogan dhe Oliver Varhely.
Në letrën e tij, Chadze kërkoi që Ballkani Perëndimor të përjashtohej nga procesi i autorizimit të parë dhe t’i lehtësohej dërgimi i pajisjeve mbrojtëse mjekësore nga BE.
Nisma u mbështet nga anëtarët e Komitetit me ndikim të Tregtisë së Jashtme dhe eurodeputetët e tjerë, ku u bë thirrje për një vendim urgjent për të përjashtuar rajonin nga procesi i para-autorizimit.
Më 15 mars, Von der Leyen njoftoi, në mënyrë që të mbronte sistemet shëndetësore brenda BE, se eksportet e pajisjeve mjekësore jashtë Unionit do të kufizoheshin, duke theksuar se kjo do të lejohej vetëm me miratimin e qartë të qeverive të Shteteve Anëtare.
Norvegjia, Islanda, Lihtenshtajni dhe Zvicra janë të përjashtuar nga kjo dispozitë. /tesheshi.com/
