Strukturat e Shërbimit për Çështjet e Brendshme dhe Ankesave (SHÇBA) Elbasan në bashkëpunim me Prokurorinë, pas një hetimi disa mujor kanë proceduar penalisht 2 punonjës policie me akuzën e shpërdorimit të detyrës.
Nga hetimet rezultoi se punonjësit e policisë, inspektorët F.B dhe K.J, nëpërmjet kryerjes së veprimeve në kundërshtim të hapur me ligjin, lejuan pajisjen me pasaportë biometrike të A.D, i dënuar me vendim gjykate dhe i shpallur në kërkim.
Gjykata e Rrethit Gjyqësor Elbasan caktoi ndaj dy efektivëve të policisë masën e sigurimit personal “pezullim i ushtrimit të një detyre a shërbimi publik”.
SHÇBA, në një njoftim për mediat bëjnë me dije se hetimet vijojnë për të zbuluar nëse ka punonjës apo struktura të tjera në përfshirë në aktivitet të kundërligjshëm. /tesheshi.com/
