Agjencia e Prokurimit ka pezulluar zbatimin e kontratës koncesionare për kompaninë fituese “Vendeka Bilgi” e cila u rendit e para në tenderin për ndërtimin, operimin, mirëmbajtjen dhe rehabilitimin e autostradës Milot-Morinë.
Vendimi është marrë pasi kompania “Catalyst and Salillari LLC”, e shpallur e dyta në tenderin e dhënies me konçesion është ankuar në Komisionin e Prokurimit Publik, kundër vendimit të Ministrisë së Transporteve
Turqit e “Vendeka Bilgi Teknolojileri Ltd”, ofruan shumën e 320 milion eurove për investime, ndërsa do të subvencionohet nga buxheti i shtetit në shumën 5,6 milion euro, nëse nuk arrihet trafiku i programuar i makinave që do të taksohen.
Ndërsa kompania “Catalyst and Salillari”, e dyta në garën e konçesionit, ofroi shumën 217 milion euro për investim dhe kërkoi 4,99 milion euro subvencionim nga shteti.
Kështu pra, nisja e pagesës për kalim në Rrugën e Kombit do vonojë ende. /tesheshi.com/
