Një vrasje e tipit mafioz ndodhi mëngjesin e kësaj të enjteje në qendër të Tiranës.
Në afërsi të Piramidës, Behar Sofia, 66 vjeç, i njohur ndryshe dhe si “padrinoja i drogës”, u qëllua me silencioator nga një makinë në ecje, duke ndërruar jetë në vend. Ai vetë po ecte në këmbë në trotuar.
“Me datë 25.02.2021, rreth orës 09:00, në trotuar në afërsi të Piramadës është konstatuar nga sherbimet e Policisë shtetasi B. S., 66 vjeç, i shtrirë në tokë, dyshohet i plagosur me armë zjarri në rrethana ende të paqarta, i cili është transportuar menjëherë në spital për ndihmë mjeksore ku dhe ka humbur jetën si pasojë e plagëve të marra.
Menjëherë në vendngjarje kanë shkuar forca të shumta policie, të cilat kanë rrethuar zonën, me qëllim kapjen e autorit.
Janë ngritur pika kontrolli në të gjitha akset rrugore dhe vijon puna nga grupi hetimor, për sqarimin dhe dokumentimin e plotë të rrethanave të ngjarjes”, njofton policia. /tesheshi.com/
