Ministri i Jashtëm i Kosovës në largim, Behgjet Pacolli tha të martën mbrëma se ai kishte dorëzuar “mijëra dokumente” prokurorit të Kosovës duke provuar “politikën gjenocidale të Serbisë kundër Kosovës dhe masakrat e kryera nga ushtarët jugosllavë, policët dhe paramilitarët e kontrolluar nga Beogradi”.
Ai e postoi këtë në llogarinë e tij në Twitter, duke pretenduar se të dyshuarit në këto krime janë të lirë të ecin në Beograd.
Në një postim tjetër, Pacolli shkruajti se “e njëjta MPB (ish-Ministri e Brendshme) dhe i njëjti dokument i falsifikuar nga Beogradi” po përdoret nga ish-relatori i Këshillit të Evropës dhe parlamentari zviceran Dick Marty.
Marty ka filluar një hetim ndërkombëtar për trafikimin e dyshuar të organeve dhe krime të tjera gjatë dhe pas luftës në Kosovë.
Pacolli gjithashtu deklaroi kohët e fundit se ekzistojnë 10,000 faqe prova të krimeve të luftës “të kryera nga Serbia në Kosovë” që askush nuk ka pasur qasje deri më tani. /tesheshi.com/
