Behgjet Pacolli, nga Shtërpca sot ka ngacmuar paksa rivalët politikë duke thënë se LDK-AKR-Alternativa, siç e quajti koalicioni i vlerave, nuk do ta zhvat shtetin, por do të punojë me të gjithë potencialin për interesat e qytetarëve.
Pacolli foli fjalë të mira edhe për kandidatin për kryeministër Avdullah Hoti, për të cilin tha se “është njeriu më i denjë për këtë përgjegjësi të madhe”.
“Z. Hoti është njeri i vlerave e i punës, ai do ta ketë përkrahjen time të pa rezervë në zbatimin e programit tonë qeverisës. Prandaj me datë 11 qershor duhet ta certifikojmë këtë njeri që të udhëheqë Kosovën për vitet e ardhshme”, tha presidenti i AKR-së. /tesheshi.com/
