Sergey Stepashin, një ish-kryeministër rus, beson se paraardhësi i tij, Yevgeny Primakov, një bust për të cilin është ngritur në Beograd, ka hedhur themelet për marrëdhëniet e sotme të mira midis Rusisë dhe Serbisë.
Në një prononcim për Sputnik, ai ka zbuluar atë çka më së shumti i dhemb Rusisë në raportet me Perëndimin, sidomos kur është fjala për Serbinë.
Stepashin kujtoi ditën kur në vitin 1999, për shkak të bombardimeve të NATO-s mbi Serbi, Primakov ktheu avionin e tij mbi Atlantik dhe anuloi një udhëtim të planifikuar për në Shtetet e Bashkuara.
“Unë atëherë isha ministër i Brendshëm dhe zëvendëskryeministri i parë, dhe kur u kthye Primakov, ne mbajtëm një seancë të Këshillit të Sigurimit të Rusisë, ku dënuam bombardimet”, tha Stepashin.
Ai kujton se Millosheviëi iu drejtua Rusisë duke kërkuar që S-300 të dërgohej në Jugosllavi, me arsyetimin se vetëm kështu do t’u rezistohej bombardimeve.
“Por historia nuk mund të kthehet”, shtoi Stepashin dhe kur u pyet nëse ishte e vërtetë që Primakov ishte në favor që Serbisë t’i jepej ai sistem ajror, ai u përgjigj:
“Ne e diskutuam këtë në Këshillin e Sigurisë Ruse. Unë gjithashtu isha anëtar i këtij këshilli. Por përfaqësuesit e ushtrisë thanë se Jugosllavia nuk ishte anëtare e Paktit të Varshavës. Sipas mendimit tim, ky ishte një gabim. Nëse do i lehtë transporti, asnjë aeroplan i NATO-s nuk do të fluturonte mbi Serbi pasi do të binte “.
Stepashin e pasoi Primakovin si kryeministër dhe, siç thotë ai, punoi fort për çështjen jugosllave, përfshirë bisedimet e G8 në Këln e duke shkuar dhe në Shtetet e Bashkuara.
Ai vëren me keqardhje që ideja e Yevgeny Primakov për një Jugosllavi të ardhshme nuk u realizua plotësisht dhe se Serbia mbeti pa rrugëdalje për në det, por se ai ende luftoi për të vazhduar orientimin e paraardhësit të tij.
“Unë do të doja të tërhiqja vëmendjen për faktin se sot, pas 20 vjetësh, marrëdhëniet midis Rusisë dhe Serbisë, marrëdhëniet midis presidentëve tanë janë të mira e transparente. Bashkëpunimi po shkon mirë dhe unë mendoj se themeli për të gjitha këto u vendos nga Yevgeny Primakov”, shprehet ish-kryeministri rus.
Stepashin tregon gjithashtu se Rusia ka nxjerrë mësime nga bombardimi i Jugosllavisë, i cili, shpjegon ai, është reflektuar në atë që po ndodh tani në Lindjen e Mesme, posaëërisht në Siri.
Sa i përket Serbisë, ajo thotë se asaj iu “lidhën duart” për dhënë një pjesë të territorit(Kosovën), dhe se vazhdimisht po luhet me të – jepni atje, jepni këtu, dhe pastaj ndoshta do t’ju mirëpresim në Bashkimin Evropian – siç ndodhi me Maqedoninë Veriore, e cila u mashtrua” – arsyeton Stepashin. /tesheshi.com/
