Presidenti i zgjedhur Ilir Meta ka marrë një shuplakë të fortë ndëkombëtare për rolin e tij gjatë fushatës zgjedhore, ku, edhe pse i zgjedhur në krye të shtetit, u angazhua pa asnjë rezervë në fushatë, në rolin faktit të një kryetari partie.
Ka qenë Eduart Kukan ai që e ka fshikulluar për këtë fakt, gjatë paraqitjes së para të konsideratave për procesin zgjedhor nga ana e OSBE-ODIHR-it, pjesë e të cilit është dhe eurodeputeti i njohur. Kukan tha se në BE një President nuk i përket një partie.
Ky është dhe i pari reagim ndërkombëtar ndaj asaj që ka qenë shfaqja më paradoksale e kësaj fushate, rikthimi i Metës në krye të LSI-së duke qenë në pozitën e Presidentit të zgjedhur, duke udhëhequr fushatën.
Ndër të tjera, përfaqsuesit e OSBE-ODIHR-it kërkuan që rezultati të njihet nga palët. Gjithsesi, sipas tyre Shqipëria mund të bënte zgjedhje edhe më të mira, thënë kjo pas evidentimit të disa parregullsive. /tesheshi.com/
