Ajo ishte si një valë epidemie që shpërtheu në fillim të viteve ’90-të: organizimi i “miss”-ve ngado e për çdo nivel. Në kohë erdhi duke u venitur, por që fundi, një konkurs i tillë bukurie, i destinuar për mosha të vogla, është organizuar për të dytin vit radhazi. Kësaj here në qytetin e Durrësit. Ka qenë Miss&Mister Children Albania 2016, ai ku 80 fëmijë fitues që ishin shpallur të tillë në qytetet e tyre respective, kane qënë konkurentët e një spektakli që u organizua nga 16-18 qershori në qytetin bregdetar.
Ajo që është veçuar si pozitive në këtë rast, është kujdesi që minorenët në konkurim nuk kanë qenë të zhveshur, siç ndodh rëndom në disa spektakle televizive, ku producentë e regjisore, nuk ndjekin asnjë normë etike duke prezantuar fëmijë me bikini.
Fëmijë nga 6-13 vjec kanë garuar të gjithë së bashku duke sjellë bashkë me alegrinë dhe natyrshmërinë e tyre, pjesë të ëndrrave dhe botës së tyre fëminore.
Ata kishin nga qytete të ndryshme të Shqipërisë, Maqedonisë, Kosovës e Malit të Zi. Organizatore e këtij eventi ka qënë si gjithmonë agjensia e spektakleve Albania Event Productions me organizatore gazetaren e njohur Albana Çakshiri nën produksionin e producentes Irena Vreto.
Çmimin e madh Mister Children Albania, e ka fituar 10-vjecari nga Fushë Kruja, Orges Daci. Ndërkaq vajza që është kurorëzuar si më e bukura e të gjitha trojeve shqiptare për vitin 2016, ishte 9-vjecarja nga Bulqiza, Gerdana Viçishta.
Gjithashtu, 10 fëmijë të kësaj gare do përfaqësojne Shqipërinë, Kosovën, Maqedoninë dhe Malin e Zi në garën e madhe botërore në kategorinë fëmijë Miss&Mr. Grand Sea Universe në Sofie Bullgari. /tesheshi.com/
