Kritika dhe komente ironike nxitën deklaratat e kryeministrit të Maqedonisë së Veriut, Kristian Mickoski, i cili tha se 350 euro në muaj janë të ardhura të mira për dikë që të jetojë rehat.
Mickoski e bëri këtë deklarata duke shpjeguar pse nuk do të rritet paga minimale në vend, njëherësh duke thënë se mjaftojnë 350 euro.
Reagimet mund të ishin më të pakta nëse lideri i një partie të majtë opozitare, Dimitar Apasiyev, nuk do t’u kishte kujtuar njerëzve në një postim në rrjetet sociale se Mickoski mban ora luksoze me çmim të kripur.
“Kryeministri, i cili mban ora 60 mijë euro, deklaroi para popullit: ‘Nuk do të ketë rritje të pagës minimale. Mund të jetohet mirë me 350 euro në muaj’”, ka shkruar ai.
Por shifra duket e fryrë, pasi sepse në bazë të informacioneve që vetë Mickoski ka dhënë në Komisionin Kundër Korrupsionit, ai posedon ora me vlerë të përgjithshme pak më shumë se 52 mijë euro.
Në të dhënat nuk specifikohet se sa ora posedon se se çfarë markash janë. Herë pas here, hulumtimet gazetareske kanë zbuluar se ai zotëron dy ora të markës “IWC Schaffhausen”, të cilat nuk gjenden lehtësisht në dyqanet e orave në Maqedoni.
Në deklaratën e fundit, Mickoski shkruan se orët i ka blerë në mars 2015 dhe qershor 2016, kohë kur mbante postin e drejtuesit të kompanisë së prodhimit të energjisë.
Në një nga intervistat e tij Mickoski mbante një orë që dukej të ishte “IWC Big Pilot” e zezë, e cila ka një vlerë në rreth 13,500 euro.
Dy javë më parë, si kryeministër, ai u shfaq në një takim me pensionistët me një orë tjetër, e cila sipas ekspertëve i përket edhe markës “IWC Schaffhausen”. Një version i papërdorur i kësaj ore shitet për 6500 euro në faqen zyrtare të prodhuesit. /tesheshi.com/
