Ombudsmani(Avokati i Popullit) për rajonin e Amsterdamit tha të martën se udhëheqja e komunës së Almeria, një periferi e Amsterdamit dhe komuna më e madhe në provincën holandeze të Flevoland, ka shkelur të drejtën e privatësisë dhe lirinë e besimit të myslimanëve duke organizuar infiltrim të fshehtë në xhami.
Ai konfirmoi se udhëheqjet e dhjetë komunave, përfshirë Almerian, kanë punësuar agjencinë private të detektivëve NTA për të hetuar xhamitë për shkak të shqetësimeve të pretenduara rreth radikalizimit, një perceptim sa mediokër e sa dashakeq. Në xhami, përveçse t’i falesh Zotit e të realizohesh si njeri fisnik me bazë besimin, nuk ndodh asgjë tjetër.
Infiltrimi në xhami
Ai theksoi se kjo është bërë me këshillën e Koordinatorit Kombëtar për Kundër Terrorizmin dhe Sigurinë (NCTV), i cili në fund të vitit 2021 organizoi infiltrimin e parë në xhami dhe mbledhjen e të dhënave për vizitorët e xhamive pa dijeninë e tyre.
Një vit më vonë, e përditshmja e Roterdamit NRC zbuloi se kreu i atëhershëm i NCTV, kryeministri aktual holandez dhe ish-kreu i shërbimit të inteligjencës holandeze Dick Schoof, ishte në dijeni të shqetësimeve rreth metodave të NTA, por nuk bëri asgjë për to.
Sipas Avokatit të Popullit, këto shkelje e shënuan Almerian si “neglizhuese serioze” ndaj komunitetit mysliman, raporton portali NL Times. /tesheshi.com/
