Arrestimet e 80 zyrtarëve dhe biznesmenëve në Serbi janë gjykuar si “propogandë politike” nga ana e opozitës.
Ish-Presidenti serb, Boris Tadiç, kreu i Partisë Socialdemokrate të Serbisë tha se “arrestimet janë një propagandë politike dhe se gjyqësori po përdoret në mënyrën më të keqe të mundshme, siç ndodhi me rastin e arrestimit të Millosheviçit.
Kjo është një përgjigje ndaj protestave të qytetarëve që po varfërohen gjithnjë e më shumë”.
Ndërkaq, Lëvizja për Ndryshim i ka cilësuar arrestimet si manovër për të fituar zgjedhjet e parakohshme.
Kryeministri Vuçiç ka deklaruar më herët se vendi mund të shkojë në zgjedhje të parakohshme në mesin e këtij viti ose në dhjetor.
Ndërkaq në një deklaratë publike, reagimet e opozitës, Kryeministri Aleksandër Vuçiç i ka cilësuar si “folklorike dhe të palidhura me realitetin”.
/tesheshi.com/
