Ka ndodhur ajo që pritej: kreu i PD-së Lulzim Basha ka dalë në mbrojtje të aktit të një grupi studentësh të cilët lëshuan vezë në drejtim të kryeministrit Rama, që siç u sqarua më pas kishte të bënte me kundërshtimin e Ligjit mbi Arsimin e Lartë. Mes tyre kishte dhe studentë nga Kosova, fakt që e bën më të kuptueshëm zgjedhjen e kësaj forme për të protestuar, pasiqë prej javësh vezët janë shndërruar në mjete të luftës politike me tipare guerrile në Kosovës.
“Aktivistët ë lëvizjes studentore për universitetet janë arrestuar e keqtrajtuar pas një demonstrimi që kanë bërë në dalje të Edi Ramës. Së pari dua të them që PD dhe unë kemi eënë, jemi dhe do të jemi në krah të studentëve pedagogëve dhe prindërve, kundër ligjit korruptiv primitiv për arsimin e lartë në Shqipëri. Këta studentë nuk kanë asnjë lidhje politike me PD-në”, tha Basha.
Akti u përkrah dhe nga ish-kryeministri Berisha, i cili në profilin e tij në FB shkruajti për një revoltë të studentëve që sipas tij sapo ka nisur. I vetmi detaj jopolitik në tekstin e Berishës, ishte ai që vezët kanë qenë të prishura. /tesheshi.com/
