Që kur e pa veten në opozitë, 8 vjet pasi qëndroi e lidhur pas dy qeverive, LSI premtoi se do jetë një opozitë e fortë. Kështu, ajo vijon ta sulmojë rregulisht ish-aleatin e deridjeshëm, kryeministrin Rama, ku flamurin e akuzave e mban Petrit Vasili, për t’u pasuar nga Luan Rama dhe Ylli Manjani.
Për Vasilin, qytetarët shqiptarë nuk duan të ketë aleancë me Ramën, pasi kanë vendosur të ikin. “Një tjetër vlerësim zero për kryeministrin, nga Franca. Një tjetër zero pas asaj nga Trieste dhe nga SHBA.
“Shqiptarët të parët për numrin e azilkërkuesve në Francë, më tepër nga Siria, Sudani, Afganistani, që janë në luftë.
Populli shqiptar do të ikë e jo të bëjë aleancë me kryeministrin.
Një mal me zero për kryeministrin. Ç’do të bëjë ai tani? A do e shkrijë kryeministrinë si ALUIZNI-n në Berat?”, shkruan nr.2 i LSI-së.
Me çështjen e ALUIZNI-ttë Beratit është marrë rregullisht dhe Manjani ditët e fundit, duke denoncuar “plakën mediatike”. Ndërsa Luan Rama, e ka vënë gishtin e akuzës tek Rama edhe për mbytjet në plazhe.
Pas rastit të fundit në Ksamil, ku humbi jetën një vajzë e re ruse, Rama shkruajti se ky është një bilanc lufte dhe se qëllimisht qeveria nuk reagon. /tesheshi.com/
