Mediat italiane kanë publikuar pamje nga operacioni antidrogë i finalizuar në bashkëpunim me policinë shqiptare dhe atë të Malit të Zi në Adriatik.
Nga ky aksion që u mbështet nga ajri nga Frontex, u sekuestruan 2.2 tonë marjuanë që kishte destinacion brigjet italiane, ndërsa u arrestuan dy shqiptarë 42 dhe 31 vjeç, nga Vlora.
Në videon e publikuar ditën e djeshme duken dy trafikantëve, njëri prej të cilit hedh drogën në det.
Trafikantët sapo kanë parë anijet e Guardia di Finanza kanë hedhur në det ngarkesën e drogës, në tentativë për të lehtësuar skafin e fuqishëm gjatë ndjekjes nga policia. Ata janë kapur në Vieste pranë Foggias.
Në kuadër të operacionit të quajtur “Triton”, pasditen e së premtes, njësia aeronavale e Repartit Operativ të Guardia di Finanza të Barit në koordinim me grupin aero-naval të Guardia di Finanza të Tarantos kanë lokalizuar një ngarkesë të dukshme në një mjet ujor që lundronte drejt ujërave italiane.
Pas 5 orësh ndjekje në det, policia italiane ka arritur të kapë gomonen, në bordin e së cilës ndodheshin dy skafistët shqiptarë: B.B., 42 vjeç dhe J.H., 31 vjeç, të dy nga Vlora të cilët janë vënë në pranga për posedim dhe trafik ndërkombëtar droge. Marijuanë që është nxjerrë nga deti ishte paketuar në 110 pako me përmasa të ndryshme dhe me peshë totale 2261,5 kg.
Sipas Guardia di Finanza, nëse do ishte hedhur në tregun ilegal do të sillte mbi 20 milionë euro të ardhura për organizatën kriminale./tesheshi.com/
