Agjencia e lajmeve Anadolu Agency bëri të ditur se në juglindje të Turqisë janë dërguar të dielën përforcime ushtarake.
Një numër tankesh, mjete transporti ushtarake dhe së paku dhjetë njësi artilerie janë dislokuar pranë kufirit, ndërkohë që forcat turke vazhdojnë operacionin “Mburoja e Eufratit”.
Kryengritësit sirianë, të mbështetur nga trupat turke, kanë ngushtuar darën rreth el-Babit, një bastion i ISIS-it në veri të Sirisë.
Pas marrjes së tij është paralajmëruar beteja për Menbixhin, tanimë nën kontrollin e milicisë kurde.
Presidenti turk deklaroi të shtunën se beteja për el-Babin ishte drejt fundit, duke përsëritur premtimin se pas tij e ka radhën Menbixhi.
Trupat turke pësuan javën e shkuar humbjen më të madhe që prej nisjes së operacionit “Mburoja e Eufratit” në gusht të këtij viti. Gjashtëmbëdhjetë ushtarë turq u vranë në betejën ndaj ISIS-it për qytezën. Për 12 pjesëtarë të ISIS-it u raportua nga ushtria turke se janë vrarë një ditë më parë. /tesheshi.com/
