Pas Llakatundit në Vlorë, sasi tjetër prej tonelatash droge janë gjetur në Kavajë, e gjitha në kuadër të një operacioni gjigand të ndërmarrë nga policia.
Por kjo e fundit, ka rezultuar e pranishme në trafik, ku efektivë të saj, ose të afërm të ndonjë shefi policor, janë zbuluar si të implikuar.
Në Llakatund, atje ku u kapën 15 ton kanabis, në pranga ranë dhe dy inspektorët e policisë, Lirim Lamaj, 49 vjeç dhe Avdyl Sinanaj, 56 vjeç.
Ndërsa në Kavaje, ku është gjetur 1.3 ton kanabis, në lranga ka rënë Kevis Hajdari, djali i Artur Hajdarit, inspektor policie në Peqin, por që ka ushtruar dhe detyrën e shefit të krimeve në Gramsh.
Siç duket, luftën kundë drogës policia duhet ta nisë që në radhët e saj. /tesheshi.com/
