Një dyzinë të arrestuarish kanë qenë finalizim i një hetimi 6-mujor anti-drogë i Policisë së Shtetit, i koduar si “Hapësira”. Në shënjestër ka qenë Vlora dhe fshatrat e saj.
“Operacioni i shtrirë në disa zona të qarkut Vlorë, për kapjen dhe ndalimin e 41 personave të përfshirë në këtë veprimtari kriminale. Në kuadër të këtij operacioni u bë e mundur kapja e 27 personave, për të cilët Gjykata e Rrethit Gjyqësor Vlorë kishte caktuar masat e sigurisë “Arrest në burg”, ekzekutimi i 5 masave të sigurisë “Arrest në shtëpi” dhe i 5 masave të sigurisë ”Detyrim për paraqitje”, si dhe u shpallën në kërkim 4 persona që nuk u gjetën gjatë operacionit”, thuhet në deklaratë.
Ndërkohë, operacioni ka përfshirë në rrjetën e tij edhe efektivë policorë të implikuar, deri shefa, siç është ai i krimeve të të Himarës, si dhe dy punonjës dhe inspektor të fshatrave të Vlorës. /tesheshi.com/
