Organizata OMONIA, mbrojtëse e interesave të minoritetit grek në Shqipëri, ka reaguar ashpër me anë të një deklarate, pasi KQZ vendosi që të mos pranojë kandidimin e Fredi Belerit për Bashkinë e Himarës. Kjo pasi ky i fundit po akuzohet hetohet për masakrën e Peshkëpisë të vitit 1994, ku thuhet se ka qenë pjesë e komandos vrasëse.
“Në Bashkinë e Himarës zgjedhjet tanimë do të zhvillohen me një kandidat, atë të Partisë qeverisëse Socialiste, me çfarëdo pasojë që kjo sjell.
Para pak ditësh për arsye gjithashtu të synimeve politike, pavarësisht terminologjisë dhe ‘argumentimit’ formal ligjor, ju mohua nga Komisioni Qendror i Zgjedhjeve edhe mundësia z. Vasil Bollano, ish-Kryetar Bashkie, për të kandiduar si i pavarur një vend në Këshillin e Bashkisë së zonës”, thuhet në deklaratë.
Aty, Beleri nuk mbrohet nga akuzat, a më saktë përfoljet si vrasës, por thuhet se është ndër më aktivët në Himarë në mbrojtje të intersave të etnitetit grek.
“Kandidati në fjalë është pjesëmarrës i forumeve drejtuese të OMONOIA-s dhe për këtë arsye pjesëtar i gjithë betejave të komunitetit lokal në një sërë çështjesh që lidhen si me të drejta themelore sikundër ajo e sanksionimit të pasurisë së paluajtshme private si edhe me të drejta që rrjedhin nga natyra e banorëve si pjesëtarë të Minoritetit Etnik Grek me më të rëndësishmen prej tyre atë të vetëdeklarimit dhe vetëpërcaktimit të identitetit etnik”, thuhet në deklaratë.
Fredi Beleri sakaq është thirrur për herë të tretë në prokurori, ku vijon të pyetet rreth asaj ngjarjeje me dy viktima ndër radhët e ushtarakëe shqiptarë, pasi sulmit mbi repartin e Peshkëpisë nga një komando greke. /tesheshi.com/
