Është shumë e rrezikshme stigmatizimi që u bëhet refugjatët në Evropë – paralajmëroi një zyrtar i OKB.
“Azilkërkuesit dhe refugjatët, në shumicën dërrmuese nuk kryejnë krime. Ndaj do të jetë shumë e rrezikshme që të stigmatizohen nëse ndonjëri prej tyre ka kryer një krim”, tha Komisioneri i Lartë i OKB për Refugjatët, Filippo Grandi.
“Asgjë nuk e justifikon që të fajësohet një komuniteti të tërë për shkak të asaj që është kryer nga një person”, vazhdoi Komisioneri i Lartë dhe tha se ai ishte i shqetësuar se incidentet e dhunshme që përfshijnë refugjatët dhe azilkërkuesit janë manipuluar shpesh për qëllime politike.
“Unë u bëj thirrje qeverive të vendeve ku gjëra të tilla mund të ndodhin, për t’i shqyrtuar këto çështje me shumë kujdes, sepse komunitetet e ndjeshme mund të paraqesin një seri pasojash të vështira”, tha ai.
Grandi theksoi se çdo individ, qoftë azilkërkues apo refugjat, duhet të mbajë përgjegjësi përpara ligjit nëse ai ka kryer krimin.
Deklaratat e Komisionerit të Lartë erdhën pas protestave të ekstremit të djathtë gjerman, pas vdekjes së një të riu, bashkëkombas të tyre, në një grindje me dy afganë. /tesheshi.com/
