Flamuri i Vatikanit u ngrit për herë të parë në selinë qendrore të Kombeve të Bashkuara në Nju Jork, ditën që papa Francesku mbajti fjalimin në Asamblenë e përgjithshme.
Flamuri i Vatikanit u ngrit pa ceremoni në pjesën verilindore të First Avenue dhe 42nd Street në ditën që Papa iu adresuar forumit prej 193 anëtarësh.
Ngritja e flamurit të Vatikanit vjen pas votimit në Asamble për të lejuar edhe shtetet me statusin e vëzhguesit të kenë standarde të njëjta në trajtim sikundër vendet anëtare.
Asambleja e Përgjithshme miratoi rezolutën e kërkuuar nga Palestina më 10 Shtator për të ngritur edhe flamujt e vendeve jo anëtare në selinë e OKB-së. Shteti i Palestinës dhe Vatikani janë të vetmet vende vëzhguese në OKB.
Lëvizja simbolike vjen ndërsa palestinezët kanë përshkallëzuar përpjekjet e tyre për njohjen e shtetësisë, pavarësisht kundërshtisë së ashpër nga izraeli dhe aelatët e tij.
Flamuri palestinez do të ngrihet të mërkurën kur presidenti i Autoritetit Palestinez, Mahmoud Abbas të mbajë fjalimin në debatin e takimit të përvitshëm të krerëve të shteteve dhe qeverive në OKB. /tesheshi.com/
