OKB ka bërë të ditur në një raport të sajin, se gjatë 3 muajve të fundit janë vrarë 68 fëmijë në Jemen, si pasojë e bombardimeve të koalicionit arab kundë rrebelëve huthi.
Siç bën të ditur Al Jazeera, të dhënat kanë dalë nga një raport i rezervuar i UNICEF, i cili i është dërguar Këshillit të Sigurimit që më 19 janar.
Në raportin konfidencial theksohet se 36 fëmijë janë plagosur gjatë sulmeve të koalicionit në tre muaj.
Rijadi, i cili ka drejton operacionin kundër rebelëve huthi në Jemen, ka shprehur menjëherë dyshimin mbi vërtetësinë e raportit.
Sipas zyrtarëve të Arabisë Saudite, mediave u është shpërndarë një material ende i rezervuar, por që ka dalë nga anëtarë të Këshillit të Sigurimit, aleatë të Iranit.
Irani është financuesi dhe armatosësi i rebelëve shiitë huthi në jemen që luftojnë kundër qeverisë me shumicë sunite. /tesheshi.com/
