Raporti i fundit i Kombeve të Bashkuara për krimet e luftës dhe atyre kundër njerëzimit përmban një apel të fortë drejtuar vendeve europiane për krizën e refugjatëve. Në dokumentin e sapopublikuar thuhet se në zonat e konfliktit janë të shumta aktet e brutalitetit dhe numri i njerëzve që po largohen po rritet.
Në një mesazh të qartë për Europën, kreu i ekipit hetues të OKB-së, Sergio Pinheiro tha: “Ne duhet të bëjmë më shumë për viktimat e konflikteve të cilët janë të detyruar të largohen nga shtëpitë e tyre dhe të kërkojnë mbrojtje dhe strehë për shkak të rrethanave nga më të paimagjinueshmet”.
“Eshtë detyrim imperativ për komunitetin botëror të veprojë me humanizëm dhe dhembshuri duke hartuar kanale ligjore për emigrantët dhe duke rritur hapësirën mbrojtëse për azilkërkuesit dhe refugjatët”, shtoi ai. /tesheshi.com/
