Ramush Haradinaj e cilësoi urgjente njohjen e Kosovës nga Serbia, pasi vonesa po krijon vakuum dhe keqkuptime. Duke folur në një tryezë politike me temë: “Ndërtimi i raporteve shqiptari-serbe”, zhvilluar në Mitrovicë, Haradinaj kërkoi nga faktori ndërkombëtar të luajë rolin e vet në këtë drejtim, rol që e përshkroi si vendimtar.
Kritik ka qenë Haradinaj, edhe për Bashkimin Europian për të cilin tha se po tregohet i pasuksesshëm në Ballkan.
“Rasti i Kosovës e cila vazhdon akoma të jetë në një fazë tranzicioni, rasti i moszgjidhjes së çështjës së emrit të Maqedonisë si dhe Greqia, janë vetëm disa shembuj mossuksesi të BE-së në Ballkan”, tha ai.
Haradinaj vuri në dukje se rruga e duhur për Kosovën është të dalë nga faza e tranzicionit dhe të nisë seriozisht procesin e integrimit. /tesheshi.com/
