Bomba e futbollit mund të shpërthejë së shpejti, pritet vetëm përgjigja e Kylian Mbappe, pasi PSG pranoi ofertën e Al-Hilal prej 300 milionë euro (për lojtarin francez.
Gazetari Fabrizio Romano njoftoi të hënën, më 24 korrik, se klubi saudit është i interesuar për Mbappe dhe i ofron atij një kontratë njëvjeçare me vlerë 700 milionë euro.
Kontrata e Mbappe-s me kampionët e Francës skadon verën e ardhshme dhe ai ka refuzuar ta zgjasë atë. Në Paris janë të bindur se futbollisti ka rënë dakord me Realin që verën e ardhshme të vijë në Madrid si lojtar i lirë.
Mbappe nuk ka udhëtuar me skuadrën në turin aziatik dhe nëse e pranon ofertën, Al-Hilal do të thyejë rekordin e vendosur nga PSG kur solli Neymar nga Barcelona në vitin 2017 për 222 milionë euro.
Mbappe u transferua te PSG në vitin 2017 nga Monaco. /tesheshi.com/
