Forcat ajrore turke kryen një sulm mbi një aeroport sirian që shfrytëzohet nga Shtetet e Bashkuara për të furnizuar forcat e kurdëve me armatim, ka njoftuar media turke.
Hurriyet raporton se aeroporti është në listën e 113 objektivave të planifikuar gjatë operacionit që ushtria turke po kryen në pjesën veriperëndimore të Sirisë, në Afrin.
Komanda ushtarake turke tha se 72 aeroplanë luftarakë janë përfshirë në operacion dhe se të gjitha aeroplanët, pas goditjes së 108 objektivave, u kthyen në baza të sigurta në Turqi, njofton Sputnik.
Më herët sot, ushtria turke bombardoi pozicionet e militantëve kurdë.
Rusia shprehu shqetësim rreth konfliktit dhe bëri thirrje për përmbajtje.
Sekretari amerikan i Shtetit, Rex Tilerson dhe Ministri i Jashtëm i Rusisë, Sergei Lavrov zhvilluan bisedë telefonike për situatën e fundit në Sirinë veriore. /tesheshi.com/
